Ba al dakizu dagoeneko zertaz mozorrotuko zaren aurten? MOZORROTRUK azokan 200 mozorrotik gora dauzkagu 2025eko inauterietan berriz biziak eta gozatuak izatearen zain. Denetarik aurkitu ahal izango duzu bertan: mozorro osoak, pieza solteak, osagarriak edota zure jantzi berezi eta jasangarria sortzeko zatiak ere.

Mozorroen dohaintzak egin edo bata bestearengatik trukatu nahi dutenentzako jasoketa puntua ere izango da azoka, eta horretarako edukiontzi berezi bat egongo da salerosketa zein lantegi espazioen ondoan.

Gainera, zure mozorroari konponketaren bat egin nahi badiozu edo goitik behera eraldatu, doako bi lantegi ireki egingo ditugu ere, jostun profesional batek lagunduak eta beharrezko makina, tresna eta materialekin hornituak.

• Josketa lantegi irekia: mota guztietako konponketak egiteko.
• Upcycling lantegi irekia: mozorro zaharra beste berri batean bihurtzeko.

Behin MOZORROTRUK bukatuta, saldu gabe geratuko diren mozorroak baita dohaintzan utzi direnak ere, Emaus Gizarte Fundazioaren dendetan jarriko dira salgai beste aukera baten bila.

NON eta NOIZ?

• Kokapena: Medialab pareko distribuidorean, Tabakalerako 2. solairuan.
• Datak eta ordutegiak:

MOZORROTRUK (bigarren eskuko mozorroen azoka eta trukaketa)

• Otsailak 20, 21 eta 22 
• Otsailak 27, 28 eta martxoak 1 
• Ostegun eta ostiralak: 17:30 – 19:30 | Larunbatak: 11:00 – 13:00

KONPONKETA eta upcycling lantegi irekiak

• Otsailak 22 | 11:00 – 13:00

• Otsailak 27 | 17:30 – 19:30

 INGURUNEAN, GIZARTEAN ETA EKONOMIAN ERAGINA DUEN EKIMENA

MOZORROTRUK Medialab Tabakalera, Impact Hub Donostia eta Emaus Gizarte Fundazioaren elkartetik sortutako ekimena da, eta bere helburua dibertigarria, inklusiboa eta ingurumenean ahalik eta inpaktu txikiena izango duen inauteria bultzatzea da.

Bigarren eskuko praktikek eta elkartrukeak daukaten eragin positiboa balioan jartzen duen ekimena da MOZORROTRUK,  gero eta nabarmenagoa den moda jasangarri zein kontsumo arduratsurako joerarekin bat egiten duelarik. Mundu mailan ehungintza industria kutsakorrenetakoa den testuinguru batean, honen moduko egitasmoek materialen berrerabilpena sustatu eta hondakinak gutxitzeko benetako alternatiba bat eskaintzen dute. Mozorroen bizitza luzatzeaz gain, gure gizartean errotuak dauden kontsumo ohiturek ingurumenean daukaten talkari buruzko gogoeta zabaltzeko topagune sortzaile bat erraztu nahi dugu. Xede hori Medialab Tabakalerararen beste hainbat foro eta jardueretan ere oinarrizkoa da, eta Impact Hub Donostiak bultzatzen dituenen ardatza da ere.

Era berean, ekonomia zirkularreko praktika hauen bitartez, gizarte-bazterketa arriskuan dauden pertsonaen lan merkaturatzea laguntzen dugu, Emaus Gizarte Fundazioaren gizarteratze enpresen bidez.

Egizu bat MOZORROTRUKekin eta sortu dezagun elkarrekin jasangarriago, inklusiboago eta sortzaileago izango den Inauteria!

Oharra: azkoan zein lantegietan parte hartzeko ez da beharrezkoa izena ematea, bertaratzearekin nahikoa izango da.

La entrada Badator Mozorrotruk! se publicó primero en Impact Hub Donostia.

Abenduaren 4an, jardunaldi tekniko bat egingo da Arima hotelean, HORECA sektorea elikagaien xahuketari buruzko araudira eta erabilera bakarreko ontzien alternatibetara egokitzeko.

Gaur goizean, José Ignacio Asensio Gipuzkoako Foru Aldundiko Jasangarritasuneko diputatuak, Ibon Leunda Gipuzkoako Ostalaritza Elkarteko zuzendaritza-batzordeko kidearekin eta Xabier Arizmendi Impact Hub Donostia-ko Gourmet Bag proiektuaren arduraduna, Gourmet Bag proiektuaren edizio berria aurkeztu dute. Ekimen honek, oraingoan, ontzi itzulgarrien aldeko apustua egiten du, materialak berrerabiltzea sustatzeko eta Gipuzkoako taberna eta jatetxeetan elikagaien alferrik galtzea ekiditeko.

Itzultzeko ontzien sistema bultzatzea

Gourmet Bag 2024 programa Gipuzkoako hainbat herritan banatutako zazpi establezimendu piloturekin hasiko da, jatetxe gehiagotan zabaltzeko helburuarekin. Parte hartzen duen establezimendu bakoitzak Pack Gourmet bat jasoko du, itzultzeko 25 ontziz eta 50 paper-poltsaz osatua. Ontzi horiek aukera emango diete bezeroei janarien soberakinak eramateko eta etorkizuneko bisitetan ontziak itzultzeko, eta higienizatu egingo dira berriro erabili ahal izateko.

Prentsaurrekoan, José Ignacio Asensiok ekimen horren garrantzia nabarmendu zuen: “Gipuzkoan, urtean 127.000 tona elikagai alferrik galtzen dira, eta HORECA sektorea da kopuru horren % 10aren arduraduna. Testuinguru horretan, Gourmet Bag 2024 funtsezko ekimena da elikagaiak xahutzeari aurre egiteko. Arazo horrek, ingurumen-inpaktu esanguratsua izateaz gain, gizarte-arazo larriak planteatzen ditu. Gure jatetxeetan ontzi itzulgarrien sistema bat sartzean, aurrera egiten ari gara ostalaritza-eredu arduratsuago eta jasangarriago baterantz. Onartezina da milioika pertsonak gose diren mundu honetan baliabide baliotsuak alferrik galtzen jarraitzea. Ostalaritza Elkartearekin eta Impact Hubekin lankidetzan aritzea funtsezkoa da sektoreko eragile guztiak ezinbesteko aldaketa horrekin bat egiten dutela bermatzeko”.

Ibon Leundak trantsizio horretan ostalaritza-sektoreak duen zeregina azpimarratu du: “Establezimenduetako arduradunek eta bezeroek Gourmet Bag kanpainetan topatu duten sentsibilizazio eta onarpen handiak haratago joatea bultzatu, animatu eta ia behartzen gaitu, 2024an finkatu dugun erronka berri honekin. Ziur gaude kanpainaren fase berri honek Gipuzkoako ostalarien kolektiboari lagunduko diola elikagaiak xahutzeko araudi berrian ezarritako betebeharrak bere gain hartzen eta betetzen. XXI. mendeko gastronomian Gipuzkoak munduko erreferente izaten jarraitzen duela erakutsiz, ez bakarrik kalitate-ezaugarriengatik, baita maila guztietan duen lehiakortasunagatik ere”.

Bestalde, Xabier Arizmendik adierazi duenez, “esperientzia pilotu bat da, eszenatoki ezin hobean kokatua; izan ere, Gourmet Bag-aren aurreko edizioetan jasangarritasunaren arloan inplikatuta zeudela erakutsi zuten establezimenduen datu-base zabala dugu, ohiko bezeroen artean itzul daitekeen sistema probatzeko orduan”.

Prestakuntza eta informazio-materiala

Proiektuak jatetxeetako langileei prestakuntza espezifikoa ematea barne hartzen du, kanpainan aktiboki parte hartzearen garrantziaz sentsibilizatzeko. Era berean, atxikitako establezimenduetan kartelak eta informazio-liburuxkak banatuko dira, bezeroen parte-hartzea sustatzeko eta itzultzeko ontziak erabiltzearen onurak ikusarazteko.

Gourmet Bag proiektuaren ibilbidea

Gourmet Bag proiektua 2018an hasi zen, ekimen pilotu gisa, Donostiako zenbait jatetxetan. Harrezkero, Gipuzkoako 21 udalerritako 145 establezimendutara zabaldu da, eta berrerabil daitezkeen 13.300 ontzi baino gehiago banatu ditu sei urteko ibilbidean. Bilakaera horrek ekonomia zirkularraren erreferente gisa finkatu du proiektua, eta elikagaien alferrik galtzea murrizten lagundu du kontzientziazioaren eta irtenbide berritzaileen ezarpenaren bidez.

Urteetan zehar, kanpainak herri berriak sartu ditu, hala nola Pasaia, Lasarte-Oria, Errenteria, Hernani eta Oiartzun, eta ontziak berrerabiltzeko eta itzultzeko eredu aurreratuago baterantz egokitu du bere ikuspegia, Europako araudiekin eta Garapen Jasangarrirako Helburuekin (GJH) lerrokatuta.

HORECA sektoreko jardunaldi teknikoak

Prentsaurreko berean iragarri da HORECA sektoreko jasangarritasunari buruzko jardunaldi teknikoak egingo direla abenduaren 4an, Donostiako Arima Hotelean. Jardunaldiok honako hauek izango dituzte ardatz:

• Elikagaiak xahutzeari buruzko araudia aplikatzea.
• Erabilera bakarreko ontzien alternatibak.
• Erakundeek sektorea arau-eskakizun berrietara egokitzea errazteko emandako baliabideak.

José Ignacio Asensiok nabarmendu duenez, “elikagaien hondakinen murrizketa funtsezko zutabea da klima-aldaketaren aurkako borrokan, bai eta betebehar etiko eta sozial bat ere. Erakundeen, enpresen eta herritarren arteko lankidetza funtsezkoa da guztiontzako eredu jasangarraigo eta bidezkoago baterantz aurrera egiteko”.

La entrada Gourmet Bag 2024k ontzi itzulgarriak estreinatzen ditu jasangarritasuna mahaira eramateko se publicó primero en Impact Hub Donostia.

Bosgarren edizio honetan, kanpaina Gipuzkoako bost udalerri berritara iritsi da; horrela, guztira, 21 udalerrik bat egin dute Gourmet Bag ekimenarekin 2018an hasi zenetik.

“Gourmet Bag” kanpainek herritarren sentsibilizazioa sustatzen dute, aisia gastronomikoaren kudeaketa arduratsuan arreta jarriz eta plateraren soberakinak etxera eramateko aukera eskainiz.. Gainera, Gourmet Bag kanpainaren helburua da establezimenduetan ohikoak diren plastikozko ontzien ordez beste ontzi biodegradagarri batzuk jartzea.

Aurtengo edizioan, proiektuak 25 establezimendu berri hartuko ditu, Elgoibar, Zumarraga, Ordizia, Legazpi eta Oñatiko udalerrietan kokatuak. Horien artean, establezimendu bakoitzean, paper birziklatuz egindako eta mikrouhin-laberako egokiak diren 80 ontzi ekologiko banatu dira, 80 paper-poltsarekin batera. Gainera, Gourmet Bag % 100 biodegradagarria eta konpostagarria den materialez osatuta dago.

Ekimen hau Gipuzkoako Foru Aldundiko Ingurumeneko eta Obra Hidraulikoetako Departamentuak bultzatzen du, eta Impact Hub Donostiak gauzatzen du, Gipuzkoako Ostalaritza Elkartearekin lankidetzan. Agenteen arteko aliantza horren ondorioz, dagoeneko 112 taberna eta jatetxe inguruk bat egin dute elikagaien xahutzea murrizteko erronkarekin, “Eramandako jakia ez da soberakina” lelopean.

Elikagaiak xahutzea ingurumen-arazo bat da, krisi klimatikoa larriagotzen duena, eta, gainera, etikoki inmorala eta sozialki bidegabea den arazo bat da.

Gourmet Bag ekimen irekia da eta interesa duten establezimendu guztiak jar daitezke harremanetan Gipuzkoako Ostalaritza Elkartearekin edo Impact Hub Donostiarekin.

La entrada 21 udalerrik bat egin dute Gourmet Bag ekimenarekin se publicó primero en Impact Hub Donostia.

La entrada Irtenbide iraunkorrak Mauritanian, Gipuzkoa Kooperarekin se publicó primero en Impact Hub Donostia.

Gazte Ekoliderrak Kutxa Ekoguneak lideratutako jasangarritasunean eta eraldaketarako lidergoan oinarritzen den formakuntza eta bizitzarako ibilbidea da. Hiru dimentsio lantzen ditu: Trebatu, Ekin eta Izan. Guztira 15 pertsonek parte hartu dute eta lau proiektu garatu dira.

EKIN programaren helburua gazte ekoliderrei ideietatik ekintzetara pasatzen laguntzea da, taldean lan eginez eta gizarteko erronka ezberdinei irtenbideak emateko jasangarritasuna oinarri izanik. Horretarako metodologia berritzaileak erabili genituen, U Teoria, Double Diamond eta Design Thinking-ean oinarritutako teknika ezberdinak, hain zuzen ere.

Ostiraleko helburua erronka finkatzeko tresnak lantzea izan zen. Horretarako, ikerketa eta analisirako datuak eta inspirazio kasuak aztertzea proposatu genien dinamika ezberdinen bidez. Honek erronkak hobeto ulertu eta kokatzeko aukera eman zien ekoliderrei. Amaitzeko, lehen ideiak sortu eta horietatik onenak edota egingarrienak sailkatu zituzten.

Larunbatean, egun berezia izan genuen. Goizean balio proposamena  eta lehen kontzeptuaren diseinua landu ziren, eta 3D mapaketaren bitartez diseinatutako lau kontzeptuak prototipatu zituzten. Arratsaldean, akzio plana eta salmentarako lehen eredua sortu ziren, prozesuari itxiera emanez.

Intentsitate handiko bi egun izan dira eta gazteen motibazioa izugarria izan da asteburu osoan zehar. Orain, sortutako irtenbideak balidatzeko momentua dute. Emaitzak maiatzaren 6an ikusiko ditugu. Mila esker guztioi!

La entrada Ekin eta Ekin Gazte Ekoliderrekin se publicó primero en Impact Hub Donostia.

Oztopoen eta aukeren identifikazioa analisi kualitatiboan oinarritzen da, elkarrizketa sakonen, kontrasteen, analisien eta dagokion laburpen-lanaren bidez, EEAen balio-katean inplikatuta dauden pertsonei edo ekonomia zirkularrarekin lotutako proiektuak garatuz (enpresak, erakundeak, klusterra, erakundeak…).

Ikerketa kualitatiboko teknika honen helburua elkarrizketatutako pertsonen iritziak, ikuspegiak, esperientziak eta motibazioak ulertzea da, oztopoak eta aukerak identifikatzeko diseinatu diren galderei dagokienez.

Dagoeneko baditugu identifikatutako balio-katearen kate-maila desberdinak: ekoizleak, konpontzaileak, Scrapak, birziklatzaileak, etab. Orain arte bildutako informazioa oso interesgarria da. Oztopoak ikusaraztea estrategia zirkular on bat diseinatzeko lehen urratsa da. Oztopo bat, aukera bat? ZERGATIK EZ?

Conexiones Circulares buruz

Conexiones Circulares programak hausnarketarako guneak sortu nahi ditu, bai eta enpresetan eta/edo erakundeetan baliabide materialak murriztu eta optimizatuko dituzten enpresa-eredu eta praktika jasangarri berriak sortzeko beharrezko tresnak ere.

Edizio hau Gipuzkoako Aparatu Elektriko eta Elektronikoen (AEE)  sektoreari zuzenduta dago, eta helburua da ekintza-aukerak identifikatzea eta proiektu estrategikoak sortzea ekonomia zirkularraren arloan, sektore horretako balio-kate osoaren analisitik abiatuta.

Informazio gehiago

La entrada Tresna Elektriko eta Elektronikoen sektoreko aukera zirkularrak se publicó primero en Impact Hub Donostia.

Gourmet Bag kanpaina

Gainera, jatetxeetako zerbitzaileek asko ikasi dute galdetegiak banatzen eta lan bikaina egin dute mahaian soberakinak ikusi izan dituztenean eramateko ontziak prestatzen. Nabarmena da kanpaina hauen bidez kosterik gabeko ontzi ekologikoak sustatzen direla eta establezimenduek asko eskertu dutela eskaintza; izan ere, keinu txiki hauek eragin positibo handia dute gure ingurunean.

Ezagutu Gourmet Bag 

La entrada Gourmet Bag jatetxeekin ikasten se publicó primero en Impact Hub Donostia.

Elikagai soberakinei loturiko lege berria dugu aurrean, zalantzarik gabe, elikagaiak alferrik galtzearen kontrako aurrerapauso bat gure gizartean. Baina, tresna honek ere baditu bere hutsuneak; izan ere, ez ditu kontutan hartzen legearen aurretik egindako kontsultan ondorioztaturikoak. 

Galdeketa horretan aurrea hartzearen garrantzia nabarmendu zen, hau da, elikagaien ekoizpenaren aurretik soberakinak eta galerak ekiditea. Jatetxeen kasuan (Gourmet Bag proiektuari lotuta), erronka izango litzateke erosketa eta sukaldearen prestaketa lanak ondo antolatzea, eligaiak plateretara eraman baino lehen, besteak beste. Aurre hartze horrek inpaktua gutxiagotzen du, bai hondakinena, bai prozesuan jarritako energiarena ere, onura eta aurrezki argiekin. Zentzu honetan, hondakinik hoberena sortzen ez dena da, eta ez hobekien kudeatzen edo birziklatzen dena.

Gourmet Bag delakoak, jatetxeetako plateren hondakin aprobetxagarriak berreskuratuz hondakinak gutxitzeaz gain, sektorea eta kontsumitzaileak sentsibilizatzea bultzatzen du. 

Impact Hub Donostiatik azpimarratu nahi dugu oso garrantzitsua dela lanean jarraitzea kateko eragile guztien sentsibilizazioan eta kontzientziazioan, oro har, eta HORECA sektoreko eragileen eta, bereziki, kontsumitzaileen sentsibilizazioan eta kontzientziazioan, bai eta kontsumo-ohitura iraunkorren sustapenean ere, elikagaiak alferrik galtzea geldiarazteko. Hori dela eta, gure ekarpena egiten jarraituko dugu borroka honetan, orain lege berriarekin, tresna perfektua ez bada ere.

Gourmet Bag egitasmoaren inguruko informazio gehiago hemen

La entrada Aurrea hartzea, elikagaiak alferrik galtzearen kontrako giltzarria se publicó primero en Impact Hub Donostia.

Berrikuntza zirkularra izan da programaren ardatz nagusia. Nerea Gonzalez eta Joxean Hernandez izan dira sesioen gidariak, non startup bakoitzaren balio katea aztertu den. Jardunaldietan produkzio akzio bakoitzak eragindako baliabide eta hondakinak identifikatu dira eta enpresaren muga eta aukera zirkularrak aztertu dira. Ariketari esker, estrategia zirkular zirriborroak diseinatzeko aukera izan dugu, startup-ek epe motza edo ertainean aplikatu ahal izateko, toolkit Oleku ren baliabideak baliatuta.

Parte hartu duten enpresak –Algaloop, Kafea, Irrisarri, Newaste, Scrapad, Bask eta Ekomodo – alde zirkular indartsua dute eta gehienak produktu zirkular edo iraunkorren garapenean oinarritzen dira; horien erronka nagusia da berrerabiltzeko, berritzeko, konpontzeko edo berriz manufakturatzeko estrategia zirkularrak diseinatzea.

#Zirkularmentoring Naturklima. Climate Change Foundation of Gipuzkoa -k sustaturiko programa da,  Gipuzkoako Foru Aldundia  ren eta Impact Hub Donostia ren lankidetzarekin.

La entrada Zirkular Mentoring, berrikuntza zirkularreko programari itxiera eman diogu se publicó primero en Impact Hub Donostia.

Gourmet Bag 2022 aurrera doa Galeren eta Elikagaien Desperdikzioaren Prebentziorako Lege berria onartu ondoren, eta establezimenduei lagunduko die aurrera egiten, kontsumitu gabeko elikagaien hondakinak murrizteko neurriak hartzen eta horiek hobeto aprobetxatzen laguntzen.

Ministroen Kontseiluak onartu berri duen araudiak elikagaien kate osoan, uztatik hasi eta kontsumora arte, elikagaiak galtzea saihesteko jarduerak sustatzen ditu. Hala, kateko enpresek prebentzio-plan bat izan beharko dute, autodiagnostiko batetik abiatuta, galerak minimizatzeko neurriak har ditzaten, giza kontsumoak lehentasuna izango duen erabilera-hierarkiaren arabera.

Gobernutik azaldu dutenez, elikagaiak alferrik galtzea elikadura-sistemen funtzionamendu ez-eraginkorraren ondorio da. Horren kausak honako hauekin lotuta daude: uztaren plangintzan eta egutegian egindako akatsekin, ekoizpen- eta manipulazio-praktika desegokiak erabiltzearekin, biltegiratze-baldintzen urritasunarekin, txikizkako salmenta-teknika txarrekin eta zerbitzu-hornitzaileen jardunbideekin, eta kontsumitzaileen portaera desegokiarekin.

Elikagaien xahutzeak gizarte osoari egiten dio kalte; izan ere, lehen mailako ondasunen eskuragarritasuna garestitzen du, nekazaritzan eta abeltzaintzan erabiltzen diren baliabide natural urriak xahutzen ditu, hondakinak eta ingurumen-inpaktua handitzen ditu, eta produkzio-sektorearen eraginkortasuna eta lehiakortasuna oztopatzen ditu. Lege honek ekoizpen-sistema eraginkorrago batera bideratu nahi du, ekonomia zirkularra garatzeari begira”.

Egoera horren aurrean, Impact Hub Donostiak, Gipuzkoako Foru Aldundiko Ingurumen eta Obra Hidraulikoetako Departamentuaren laguntzarekin, sustatutako Gourmet Bag kanpainak inoiz baino zentzu handiagoa hartzen du, eta indartu egiten da HORECA sektoreko ostalariei eta establezimendu horietan kontsumitzen duten herritarrei sentsibilizatzen eta laguntzen jarraitzeko.

Aipatzekoa da Gourmet Bag egitasmoak lau urte baino gehiagoko ibilbidea eta inpaktua duela, eta Gipuzkoako 16 herritan duela eragina, 100 taberna-jatetxe eta 11.000 kaxa baino gehiago zabalduta.

Impact Hub Donostiatik, beraz, Gourmet Bag kanpainaren ibilbidearekin eta esperientziarekin eta establezimenduekin izandako bizipenekin abiatuko gara, araudi berrira egokitzen laguntzeko, prozesu hori errazteko eta guztiok bilatzen ari garen horretan laguntzeko baliabideak, informazioa eta hurbiltasuna eskainiz: elikagaiak alferrik ez galtzea eta iraunkortasunean irabaztea.

La entrada Gourmet Bag egitasmoak establezimenduak lagunduko ditu elikagai hondakinen lege berriaren aurrean se publicó primero en Impact Hub Donostia.