Ekintzailetza-ekosistemak ulertu eta eraldatzeko tresna
Eragina duen Ekintzailetza Ekosistemen Indizeak Estatuko 50 probintzietako ekosistemen egoera aztertu eta alderatzeko aukera ematen du, dimentsio ekonomikoa ez ezik, lurraldea eratzen duten faktore sozial eta ekologikoak ere kontuan hartuz.
Neurtzeaz harago, indarguneen eta aukeren irakurketa argia eskaintzen du, eta egungo erronketara egokitutako eraldaketa-prozesuak bultzatzeko oinarri bihurtzen da, birsorkuntza sistemikoaren ikuspegitik.
Lurraldeak nola funtzionatzen duten ulertzeko begirada sistemikoa
Eragin-ekintzailetzako ekosistemen osasun sistemikoa neurtzeko diseinatutako lehen indizea da, eta honako hauetarako balio digu:
✔ Estatuko 50 probintzietako ekintzailetza-ekosistemak ikuspegi sistemiko batetik ulertu eta alderatzeko, aldagai ekonomikoak ez ezik, dimentsio sozialak, ekologikoak eta lurralde-gobernantzakoak ere txertatuz, besteak beste.
✔ Probintzia desberdinetako ekintzailetzaren osasunaren egoera, irismena eta eragina modu estandarizatuan diagnostikatzeko, lurraldeen arteko alderagarritasuna eta analisia ahalbidetuz.
✔ Lurraldeko eragileen inplikazioa sustatzeko, ekintzailetza-ekosistemaren inguruko hausnarketa-, erabaki-hartze- eta eraldaketa-prozesuak bultzatzeko.
Ekintzailetza lurralde eraldaketarako giltzarri gisa ulertzen dutenentzat
Indizearen bigarren edizio hau tresna estrategikoa da lurralde erresilienteagoak, bidezkoagoak eta birsortzaileagoak sustatzeko, haien dinamika ekologiko, sozial eta ekonomikoen ulermen sakon batetik abiatuta
Norentzat?
- Trantsizio ekologiko eta sozialekin lerrokatutako politikak diseinatzen dituzten administrazio publiko eta tokiko gobernuentzat.
- Balio-eredu jasangarriago eta arduratsuagoetara eboluzionatu nahi duten enpresa eta eragile ekonomikoentzat.
- Helburudun ekimenak sustatzen dituzten eta beren ekosistema hobeto ulertu nahi duten pertsona ekintzaileentzat.
- Eraldaketa-prozesuak ikertu eta laguntzen dituzten unibertsitate eta ezagutza-zentroentzat.
- Lurraldean zuzenean jarduten duten eta inpaktua sortzen duten gizarte-erakunde eta ekonomia sozialeko erakundeentzat.
- Etorkizun bidezkoago eta jasangarriagoen eraikuntzan parte hartzen duten herritar eta pertsona konprometituentzat.
Metodologia
Eragina duen Ekintzailetza Ekosistemen Indizea ikuspegi sistemiko eta birsortzaileak integratzen dituen metodologia batean oinarritzen da, lurraldeen osasun ekologikoa, soziala eta ekonomikoa, baita haien bilakaera ere, ulertzeko.
Abiatzeko, Hiru Horizonteen eredua erabiltzen dugu, egungo sistemak, berrikuntza eta eraldaketa bereizten dituena; eta Regenesis-en sistema bizidun habiaratuen markoa ere bai, lurralde-ekosistemak elkarren mendeko egitura gisa ulertzen dituena, non haien bizitasuna, bideragarritasuna eta eboluzio-gaitasuna funtsezkoak diren.
Alderdi horiek neurtzeko, zortzi balio-fluxurekin lan egiten dugu —naturalak, sozialak eta ekonomikoak—, eta horiek probintzia mailako adierazle objektibo bihurtzen dira. Haien arteko harremanek sinergiak, tentsioak eta lurraldeentzako aukera estrategikoak identifikatzea ahalbidetzen dute.
Emaitza datuak, ikuspegi sistemikoa eta ikuspegi birsortzailea uztartzen dituen tresna bat da, politikak, erabakiak eta proiektuak ekintzailetza-ekosistema osasuntsuago eta eraldatzaileagoetara bideratzeko.
Aurkezpen ekitaldia
Ekainaren 25ean, 12:00etatik 14:00etara, Tabakaleran (El Eskondite – One Shot Hotel), Impact Hub Donostiak eta Impact Hub Madrilek sustatutako eragina duen ekintzailetza-ekosistemen osasun sistemikoa neurtzeko diseinatutako lehen indizea aurkeztuko dugu.
Gipuzkoak eragina duen ekintzailetzaren, lurralde-berrikuntzaren eta ekosistema erresilienteago, inklusiboago eta birsortzaileagoen eraikuntzaren inguruan dituen erronka eta aukerei buruzko elkarrizketa eta hausnarketa partekaturako gune bat proposatzen dugu.
Saio honetan, gainera, mahai-inguru bat eta networking koktel-a egingo dira administrazio publikoetako, enpresetako, unibertsitateetako, gizarte-erakundeetako eta ekintzailetza-ekosistemako eragileekin.
Eman izena eta parte hartu Eragina duen ekintzailetza ekosisteman.
