Merkataritza zuzenbidea Jon Ander Munduaterekin

Zirkular Mentoring programaren azken saioa alderdi legalei eta inbertsioari buruzkoa izan zen; Jon Ander Munduate NORGESTIONeko merkataritza-zuzenbideko bazkide eta abokatu espezialistaren esperientzia izan genuen.

Saioaren hasieran, proiektu bat abian jartzean kontuan hartu behar diren lege-alderdiak aztertu genituen, hala nola proiektu bakoitzerako egitura juridiko egokia, balio-proposamenaren lege-babesa, proiektuan zehar ekintzaileak bere gain hartzen dituen lege-arriskuak eta proiektua finkatzeko prozesuan eragin behar dituen alderdiak.

Ondoren, merkatuak gaur egun eskaintzen dituen finantzabideak azaldu ziren, zorpetzearen bidez, bankuen zorpetze tradizionaletik zorpetzeko formula berritzaileagoetara, edo inbertitzaileak bilatzeko bidea aztertuz. Azken 10-15 urteetan, inbertitzaileen tipologia modu esponentzialean zabaldu eta garatu da, eta saioaren helburuetako bat bertaratutakoei dauden alternatiben berri ematea zen, guztiak bide hori aztertzera animatuz beren negozioak hazteko, gaur egun finantza-baliabideen beharra funtsezkoa baita sortzen ari diren proiektuei bultzada eman ahal izateko.

Azkenik, inbertitzaileen tipologia desberdinarekin finkatuko diren harremanak arautzeko modua azaldu genuen, bazkideen itunen eta horiek arautzen dituzten alderdi garrantzitsuenen bidez.

Zirkular Mentoring Naturklima. Climate Change Foundation of Gipuzkoa -k sustaturiko programa da,  Gipuzkoako Foru Aldundia – Diputación Foral de Gipuzkoa e Impact Hub Donostia / San Sebastián S. Coop kolaborazioaren bidez.